Myndir

Mikil menningar- og samfélagsverðmæti urðu eldinum að bráð þegar eitt elsta hús í Grímsey, Miðgarðakirkja, brann. Kirkjan var mikilvægur hlekkur í samfélaginu á gleði og sorgarstundum auk þess sem hún var mikilvægur áfangastaður fyrir gesti af meginlandinu. Miðgarðakirkja var reist árið 1867. Árni Hallgrímsson (1832-1917) frá Garðsá í Eyjafirði var yfirsmiður hennar. Kirkjunni var breytt umtalsvert árið 1932 þegar bætt var við einfalt kirkjuhúsið forkirkju með háum turni og kór. Til hafði staðið að steinsteypt kirkja leysti gömlu kirkjuna af hólmi. Guðjón Samúelsson lagði fram hugmyndir árið 1925 að nýrri kirkju og báru endurbæturnar sem ráðist var í talsverðan svip af þeirri tillögu. Helgi Ólafsson smiður og bóndi á Borgum í Grímsey sá um endurbæturnar og fórst afar vel úr hendi að fella saman gamla kirkjuhúsið og nýbyggingarnar. Frekari framkvæmdir fóru fram á kirkjunni árið 1956 og var hún endurvígð 12. ágúst 1956 af Ásmundi Guðmundssyni biskup. Nokkrir góðir gripir glötuðust í eldinum. Predikunarstólinn frá 1867, altaristafla frá 1879 eftir Arngrím Gíslason málara, eftirmynd af kvöldmáltíðarmynd Leonardo da Vinci; fagurlega útskorinn skírnarfontur eftir Einar Einarsson frá 1958, og tvær fagrar söngtöflur eftir hann svo fáeinir gripir séu tilteknir. Þá er horfið handbragð þeirra sem reistu kirkjuna og máluðu. Myndir úr Grímseyjarsafni Helga Daníelssonar og Friðþjófs Helgasonar.

Mennta- og menningarmálaráðherra, Lilja Alfreðsdóttir, heimsótti skáldasöfnin Akureyri, Davíðshús og Nonnahús, til að kynnast starfinu sem þar fer fram. Á sýningu Minjasafnsins, Tónlistarbærinn Akureyri, var skrifað undir menningarsamning mennta- og menningarmálaráðuneytis og Akureyrarbæjar.

Þekkir þú ... er ljósmyndasýning þar sem þú getur lagt þitt af mörkum. Þekkir þú staðinn, atburðinn, fólkið, húsið eða bílinn? Býrð þú yfir sögu sem tengist myndefninu? Minjasafnið á Akureyri býr yfir rúmlega 3.000.000 mynda. Mörgum þeirra fylgja takmarkaðar, jafnvel engar upplýsingar, eða okkur skortir þekkingu á myndefninu. Kannski býrð þú yfir henni og getur lagt okkur lið? Minjasafnið stendur árlega fyrir sýningu sem þessari og er hægt að sjá eldri sýningar á vef safnsins. Á þessari sýningu eru myndirnar m.a. úr safni KEA, einnig eftir áhugaljósmyndarann Hartman Eymundsson og ýmsa aðra.

Forseti Íslands, hr. Guðni Th. Jóhannesson heimsótti Minjasafnið á Akureyri sunnudaginn 14. júní.

Hallgrímur Einarsson fæddist á Akureyri 20. febrúar 1878 og lést þar 26. september 1947. Hallgrímur var rak ljósmyndastofu á Akureyri frá 1903-1947 en tvö sumur þar á undan hafði hann ljósmyndað í myndastofu Önnu Schiöth. Hallgrímur var lærður ljósmyndari og nam iðn sína í Kaupmannahöfn 1894-1895. Eftir að hann kom úr námi rak hann ljósmyndastofu á Vestdalseyri þar til hann flutti starfsemi sína til Akureyrar. Hallgrímur var ekki bara öflugur ljósmyndari heldur einnig óspar á að miðla reynslu og þekkingu sinni til annarra. Þannig voru 19 nemar hjá honum á starfsæfinni þar af 7 sem hlutu meistararéttindi í iðninni. Enginn annar ljósmyndari hér á landi hafði jafnmarga nema. Ljósmyndir Hallgríms Einarssonar og stofunnar sem hann rak og síðar synir hans Kristján og Jónas eru varðveittar á Minjasafninu á Akureyri og eru upphafið af ljósmyndasafni þess. Í formála bókarinnar Akureyri 1895-1930 þar sem þessar myndir birtust segir Valgerður H. Bjarnadóttir: „Sérhverju bæjarfélagi er mikilvægt að eiga lifandi sögu. Hún eykur áhuga og virðingu íbúanna fyrir bænum. Akureyri á sér sögu, og gangirðu um gamla bæinn, Fjöruna, Innbæinn og Oddeyrina, blasa leifar hins gamla tíma alls staðar við. Húsin búa yfir leyndarmálum horfinna kynslóða. … Akureyri stendur í mikilli þakkarskuld við Hallgrím Einarsson, sem gerði tímabil í ævi bæjarins ógleymanlegt með töku fjölda frábærra ljósmynda.“ Heimildir: Inga Lára Baldvinsdóttir: Ljósmyndarar á Íslandi 1845-1945. Reykjavík 2001. Akureyri 1895-1930. Ljósmyndir - Hallgrímur Einarsson. Reykjavík 1982.

Sýning óþekktra ljósmynda sem opnuð var í febrúar 2020. Ef þú býrð yfir upplýsingum um myndefnið sendu okkur línu minjasafnid@minjasafnid.is

Ljósmyndir frá hverju ári frá því Akureyri fékk kaupstaðarréttindi 1862 til ársins 2012.

Sýningin stóð frá 14. febrúar til 30.mars. Sýningin samanstóð af 80 óþekktum myndum m.a. nokkrar litmyndir sem talið er að séu meðal þeirra elstu á landinu. Myndirnar eru úr eigu Ferðafélags Akureyrar úr söfnum Bárðar Sigurðssonar og Ara Leós Björnssonar. Aðsóknarmet var slegið og 90% myndanna eru nú greindar.

Sýningin stóð frá 2. febrúar til 26. apríl. Hún samanstóð af 83 óþekktum myndum. Myndirnar voru úr söfnum ljósmyndastofu Jóns og Vigfúsar á Akureyri, Maríu Pétursdóttur og nokkurra annara áhugaljósmyndara. Greining myndanna gekk vel og 80% myndanna þekktust.