Starfsfólk

Minjasafnið stendur fyrir söfnun, skráningu og varðveislu muna sem tengjast sögu og mannlífi í Eyjafirði. Árið 1995 var samþykkt söfnunarstefna fyrir Minjasafnið. Lögð aðaláhersla á að safna gripum úr flokkum sem tengjast atvinnuháttum, félagssögu, samgöngum, heimilishaldi, hýbýlaháttum, fjölskylduháttum, heilsugæslu, stjórnsýslu, ljós-og prentmyndum, myndlist og fornleifafræði. Safnvörður munadeildar tekur við munum, skráir þá og gengur frá, og svarar fyrirspurnum um þá. Öðrum söfnum er veitt ráðgjöf um munasöfnun þegar svo ber undir. Í Minjasafninu eru nú um 8000 tölvuskráðir safnmunir. Sami safnvörður svarar erindum um gömul hús sem safninu berast og veitir ráðgjöf um þau efni. Hanna Rósa Sveinsdóttir, sagnfræðingur frá Háskóla Íslands er safnvörður og sér um muni safnsins og húsverndardeild.

Safnstjóri starfar í umboði stjórnar Minjasafnsins á Akureyri, hefur á hendi yfirumsjón safnsins og gerð fjárhags- og starfsáætlana fyrir það. Haraldur Þór útskrifaðist með BA próf í sagnfræði frá Háskóla Íslands 1999 og lauk MA prófi í Diplomatic Studies frá University of Leicester árið 2003. Hann hefur starfað sem leiðbeinandi við Lundarskóla og Brekkuskóla á Akureyri og sinnt sagnfræðirannsóknum. Haraldur er einnig stundakennari við Háskólann á Akureyri og DiploFoundation. Haraldur hóf störf við Minjasafnið á Akureyri árið 2003 og starfaði sem safnkennari þar til hann tók við stöðu safnstjóra 1. ágúst 2008.

Ljósmyndadeild var óformlega stofnuð um 1987. Markmið deildarinnar er að safna, skrá og varðveita allar gerðir ljósmyndaefnis, það er frumefni (filmur eða glerplötur) og eftirtökur (pappírskópíur eða aðrar eftirgerðir). Starfsemin er í því fólgin að taka við, skrá, ganga frá og gera aðgengilegt gamalt myndefni sem safninu berst. Einnig að afgreiða pantanir á myndefni. Safnkostur deildarinnar er um 2.500.000 myndir, og er þar með þriðja stæðsta safnið á Íslandi. Tölvuskráð hafa verið nöfn um 82.760 einstaklinga.Deildin er opin öllum sem áhuga hafa á myndefninu. Starfsmaður ljósmyndadeildar, Hörður Geirsson, er rafvirkjameistari og sjálfmenntaður ljósmyndari. Hann er einnig umsjónarmaður tækja Minjasafnsins.

Safnfræðslufulltrúi Minjasafnsins sér um almenna fræðslu og miðlun til gesta safnsins og tekur á móti hópum sem koma í safnheimsókn. Safnfræðslufulltrúi sér um móttöku skólahópa á öllum skólastigum sem og annarra hópa sem óska eftir sérstakri leiðsögn og fræðslu um sýningar og hús Minjasafnsins. Ragna útskrifaðist með B.A. próf í þjóðfræði frá Háskóla Íslands árið 2010 og lauk M.A. prófi í safnafræði frá Háskóla Íslands árið 2013.

Hefur umsjón með Laufási og safnfræðslu 2021-2022