Á söguslóð hins ástsæla barnabókarithöfundar Nonna

Tilvalið verður fyrir alla fjölskylduna að gera sér glaðan dag  á laugardaginn, 12. júní, kl 14 verður boðið uppá að ganga um slóðir Jóns Sveinssonar, NONNA, í fylgd kunnugra. Þetta er létt og þægileg ganga þar sem farið verður stuttlega yfir lífhlaup Nonna, lesið uppúr bókum hans og staðir skoðaðir sem tengjast lífi hans og sögum.  Haraldur Þór Egilsson, sagnfræðingur og safnstjóri Minjasafnins á Akureyri leiðir gönguna sem tekur rúmlega klukkustund. Lagt verður af stað frá Nonnahúsi kl. 14. Gangan er þátttakendum að kostnaðarlausu.