Draugaslóð MInjasafnsins á föstudagskvöld

Skerandi skelfileg óp, drungaleg tónlist og verur af öðrum heimi er meðal annars það sem gestir og gangandi munu heyra og sjá í Innbænum, elsta hluta Akureyrar, næstkomandi föstudagskvöld 27. ágúst kl 22:30-23:59 í Draugaslóð Minjasafnsins á Akureyri. Draugasögur verða sagðar í Minjasafnsgarðinum, við Friðbjarnarhús, við Gamla spítalann og Laxdalshús. Síðast en ekki síst verður draugalegt um að litast á Minjasafninu sjálfu frá kl 22:00 – 24:00!