Komi þeir sem koma vilja… á Jónsmessuhátíð í Laufási mánudaginn 24. júní frá kl. 16-20. Á Jónsmessu eru skil mannheima og yfirnáttúrulegra heima óskýr, sem gerir álfum og huldufólki kleift að verða sýnileg. Hver veit hvað verður á sveimi í Laufási.
Eitt er þó víst að þar verður tónlist, markaður, hestar og fróðleikur.
Unga fólkið yfirtekur Laufás á Jónsmessu. Sumarlistamaður Akureyrar kemur hátíðinni af stað með kraftmiklum náttúrudansi á hlaðinu. Í Laufáskirkju leikur ungt tónlistarfólk við hvern sinn fingur. Þar verða: Egill Andra og Eik Haralds, Ari Árelíus, Kusk og Óviti. Þröstur Ingvarsson verður hér og hvar á hlaðinu og í bænum með gítarinn og heldur uppi fjörinu.
Hestarnir frá Pólarhestum eru yfirnáttúrulega góðir gæðingar eins og gestir geta séð og kynnst á hlaðinu.
Þá verður fjölbreyttur hópur norðlensks handverks- og listafólks með vörur sínar til sölu á útimarkaðinum því ekki er við öðru að búast í Laufási en góðu veðri.
Vonandi verður dögg á grasinu til að velta sér upp úr til að færa fólki. Eitt er víst að Jónsmessan í Laufási verður mögnuð, jafnvel töfrandi.
Í tilefni Jónsmessu verður ókeypis á viðburðinn sem nýtur stuðnings Uppbyggingarsjóðs SSNE.
Minjasafnið á Akureyri, Minjasafnskirkjan og Nonnahús opið daglega 11-17
Laufás opið daglega 11-17 til 15. september
Iðnaðarsafnið opið daglega 13-17
Leikfangahúsið lokað nema fyrir fyrirframbókaða hópa
Davíðshús lokað nema fyrir fyrirframbókaða hópa
Smámunasafnið lokað nema fyrir fyrirframbókaða hópa
Opið fyrir skólahópa frá kl. 8:30