Markaðsdagur í Laufási á mánudaginn 1. ágúst

Á mánudaginn kl. 13-16 verður haldinn markaðsdagur í Laufási í Grýtubakkahreppi. Á boðstólnum verður fjölbreytt íslenskt handverk eins og silfurmunir, prjónavara, snyrtivörur og matvara úr héraði ásamt ýmsu öðru forvitnilegu.  Í Laufási er rekið Kaffi Laufás sem býður upp á þjóðlegar veitingar. Laufás er 30 km. norðaustur frá Akureyri og er tilvalinn áningarstaður á leið austur á land.