Páskaopnun á Minjasafninu

Opið verður á safninu í páskafríinu 21. - 25. apríl kl 14-17. Sérstök athygli er vakin á því að sökum þess að skírdag og sumardaginn fyrsta ber upp á sama dag, hefur fjölskylduhátíð STOÐvina Minjasafnins á sumardaginn fyrsta verið færð á Eyfirska safnadaginn 7. maí. Þá verður boðið upp á barnaleiki og skemmtun fyrir alla fjölskylduna. Laugardaginn 23. apríl kl 14 leiðir Hörður Geirsson, sérfræðingur ljósmyndadeildar, gesti um sýninguna Þjóðin, landið og lýðveldið. Síðasti sýningardagur ljósmyndasýningarinnar er annar í páskum.