Fréttir

The Old Turfhouse Laufás and Café Laufás are only open for groups in September. Groups who want to come for a visit  please contact Hólmfríður Erlingsdóttir, tel: 895-3172 or by e-mail laufas@minjasafnid.is

Gamli bærinn Laufás hefur nú lokað dyrum sínum eftir sumarið. VIð viljum þakka þeim fjöldamörgu gestum sem til okkar komu fyrir heimsóknina. í september verður þó hægt að opna bæði Gamla bæinn Laufás og kaffi Laufás fyrir hópa. Þeir sem hafa áhuga vinsamlegast hringið í Hólmfríði Erlingsdóttur, staðarhaldara, í síma 895-3172 eða sendið tölvupóst á laufas@minjasafnid.is  

Loksins eru Astrid Lindgren, Jón Sveinsson (Nonni),  H.C. Andersen og  Halldór Laxnes  ásamt fleirum rit- og ljóðahöfundum saman komin undir eitt þak.  Samstarfsnet norrænna rithöfunda- og tónskáldasetra efna til tveggja opinna málþinga í tengslum við ráðstefnu sína hér á landi. Það fyrra fer  fram í Iðnó í Reykjavík  þann 11. september kl 8:30-12:30 og er yfirskrift þess Ferðast á slóðum bókmennta. Opnunarerindið  “Destinations and attractions: when literature moves people“   flytur Hans Christian Andersen, prófessor í markaðsfræðum ferðamála og ferðaþjónustustjórnun við háskólann í Northumbria í Englandi.  Í erindum dagsins verður fjallað um aðdráttarafl bókmennta á ferðamenn, allt frá Íslendingasögum til Astrid Lindgren. Síðara málþingið er norðan heiða nánar tiltekið á Hótel KEA á Akureyri þann 12. september kl 9-12. Yfirskrift þess er bókmenntalegar rætur. Erindin fjalla um starf Barnabókaseturs Íslands, kennslu og nám í barnabókmenntum í Evrópu, bókmenntararfinn í barnabókum og á netinu og Astrid Lindgren og Vimmerby. Málþingin eru öllum opin. Erindin verða á ensku.    Málþingið í Reykjavík er haldið í samstarfi við Bókmenntahátíð og Reykjavík, bókmenntaborg UNESCO.   Dagskrá málþinganna tveggja má sjá hér

Það voru margir sem lögðu leið sína í  draugalegan Innbæinn og Samkomuhúsið, sem var sannkallað draugahús, á föstudagskvöldið. Drunglegt myrkrið, draugar og forvitnileg hljóð léku aðalhlutverkið þetta kvöld. Ljóstýrur og eldspúarndi draugar vörpuðu örlítilli glætu inní garða og á stræti þar sem verur, ekki þessa heims, voru á kreiki.  Minjasafnið þakkar öllum sjálfboðaliðum, samstarfsaðilum og íbúum í Innbænum kærlega fyrir frábært kvöld og gestir okkar fá bestu þakkir fyrir komuna.

Lummuangan finnst um allan Grýtubakkahrepp laugardaginn 31. ágúst þegar Gamli bærinn Laufás og Kaffi Laufás  bjóða gestum sínum að ganga í bæinn í síðasta sinn fyrir vetrarlokun.  Markaðsstemning verður í Laufási af þessu tilefni  þar sem nýuppeknar kartöflur, rófur, berjasultur og brauð ásamt handverki og fleiru forvitnilegu leika aðalhlutverkið. Kaffi Laufás býður uppá kaffibolla með öllu meðlæti, ísinn verður á spottprís auk þess sem veglegur afsláttur verður af völdum vörum og handverki í safnbúð. Komdu í heimsókn í stílhreinan burstabæ þar sem þú andar að þér sögu íbúanna í hverju horni. Það er tveir fyrir einn í aðgangseyri þennan dag.   Opnunartími í Laufási til og með 31. ágúst er 9-17.

Draugar, draugahús, dularfull hljóð, drungalegir tónar og dulúðleg stemning, er meðal annars það sem gestir og gangandi munu upplifa frá Samkomuhúsinu og inneftir Innbænum, elsta hluta bæjarins,  næstkomandi föstudagskvöld 30. ágúst kl 22:30-23:30 í Draugaslóð Akureyrarvöku.   Í ár hefst slóðin í Samkomuhúsinu sem Leikfélag Akureyrar hefur breytt í draugahús. Þar munu gestir ferðast um rangala leikhússins, hitta ýmsar kynjaverur og fá reimleikann beint í æð. Tilkomumikil gandreið á vegum hestamannafélagsins Léttis verður á flötinni neðan við húsið. Gandreiðinni hefur verið frestað þar sem hestarnir eru allir í göngum ásamt eigendum sínum! Leikmynd þessa kyngimagnaða kvölds endar þó ekki þar því leiðin frá Samkomuhúsinu og inneftir Innbænum verður sveipuð dulúð og drungalegheitum þar sem örlitlar ljóstýrur munu lýsa upp garða, hús og stræti. Það verður því erfitt að gera greinarmun á verum þessa heims og annars sem líða mun um garða og port í eilífri leit að sálum sínum og annarra. Draugaslóðin er að þessu sinni í umsjón Akureyrarvöku í afar góðu samstarfi við Minjasafnið á Akureyri og  Leikfélag Akureyrar.   Vert er að benda á að þetta kyngimagnaða kvöld frá Samkomuhúsinu og  Innbænum getur skotið skelk í bringu ungra barna og viðkvæmra sála.

Komdu í heimsókn í Laufás og njóttu þess að upplifa gamla sveitafélagið frá 1900. Ganga um í kyrrðinni og drekka kaffi og njóta veitinganna í Kaffi Laufási. OPið alla daga til og með 31. ágúst frá kl 10-17.

Það fer hver að verða síðastur að kíkja í heimsókn í Skáldahúsin, Nonnahús, Sigurhæðir og Davíðshús þetta sumarið. Næsta vika er síðasta vika fyrir vetrarlokun. Það er því um að gera að drífa sig af stað og njóta þess anda sem svífur yfir vötnum á hverjum stað fyrir sig. Hlökkum til að sjá þig. Skáldahúsin eru opin virka daga kl 13-17 til 31. ágúst.