Fréttir

Kíktu á safnið um helgina hér er opið og notalegt. Það er alveg sérstök stemning að ganga um sýninguna Akureyri - bærinn við Pollinn.  Þar er hægt að kynnast hvernig Akureyri byggðist upp, hvað var hér að finna og síðast en ekki síst hvernig mannlífið var. Forveri verslunarstaðarins Akureyri er Gásir. Á sýningunni Eyjafjörður frá öndverðu geta gestir kíkt á vörur sem gengu manna á milli á miðöldum, séð bátakuml frá Dalvík og virt fyrir sér týpískan vinnustað kvenna langt fram eftir öldum nefnilega vefstaðinn. KOmdu í heimsókn!

Vaskir nemendur í 6. bekk Síðuskóla afhentu Haraldi Þór Egilssyni, safnstjóra Minjasafnsins á Akureyri tvö veggteppi sem þau unnu árið 2012 í tilefni 150 ára afmælis Akureyrarbæjar.

Það var öðruvísu um að litast á Minjasafninu á laugardaginn hér voru Gásverjar í heimsókn sem gerðu sig heimkomna í kringum miðaldabryggjuna í sýningunni Eyjafjörður frá öndverðu. Fjöldamargir gestir komu í heimsókn til að kynnast miðöldum með lifandi hætti. Takk fyrir komuna!

Það er einkar ánægjulegt að bók Gunnars F. Guðmundssonar sagnfræðings Pater Jón Sveinsson - Nonni skuli hafa hlotið íslensku bókmentaverðlaunin 2012. Verðlaunin voru afhend í dag við virðulega athöfn á Bessastöðum í dag. Nonnavinir fagna með Gunnari sem sagði þetta við blaðamann Morgunblaðsins í dag "Ég lít á þetta sem umbun sem ég met mikils, eftir langt og að sumu leyti erfitt verk, og er um leið þakklátur þeim sem hafa stutt mig á þessu langa vinnuferli". Innilega til hamingju Gunnar með verðlaunin þú átt þau svo sannarlega skilið.

Minjasafnið og Leikfélag Akureyrar bjóða bókmenntaunnendum uppá einstakt tækifæri miðvikudagskvöldið 6. febrúar. Því þá geta þeir heimsótt Davíðshús, heimili Davíðs Stefánssonar frá Fagraskógi, og upplifa það á alveg nýjan hátt. Ferðast verður um húsið í för með leikurum Leikfélags Akureyrar, lesin verða nokkur af helstu ljóðum skáldsins, og leiklesin verða atriði úr nýju leikriti eftir Árna Kristjánsson, Sálin hans Davíðs, en verkið fjallar um Davíð Stefánsson á nýstárlegan máta. Dagskráin er 6. febrúar kl. 20:00 og 21:00, í Davíðshúsi við Bjarkarstíg 6. Takmarkaður fjöldi – miðapantanir hjá Leikfélagi Akureyrar s: 460 0200 Aðgangur 1000 kr.

Hörður Geirsson, sérfræðingur ljósmyndadeildar Minjasafnsins, mun sýna gamlar myndir af svæðinu og segja frá þeim á kvöldvöku í Svalbarðskirkju sunnudagskvöldið 3. febrúar kl 20:00. Það er Laufásprestakall sem stendur fyrir kvöldvökunni þar sem sr Bolli flytur fáein hugleiðingakorn og Petra Pálsóttir og Gunnar Tryggvason laða fram ljúfa tónlist. Myndin er tekin þegar kirkjan stóð ennþá á upprunalegum stað.

Viltu koma og skoða myndir sem verið er að velja í næstu vetrarsýningu MINJASAFNSINS? STOÐvinir Minjasafnsins hittast á safninu laugardaginn 26. janúar milli kl. 14 og 16. Kíktu endilega á STOÐVINAfund, spjall og kaffi! Hlökkum til að sjá þig!Áhugasömum er bent á að STOÐvinir safnins stefna að myndaskoðunardegi með öðrum viðfangsefnum annan hvern laugardag á næstunni. Fylgist með!