Fréttir

Um helgina var opnuð sýningin Nýjar myndir - gömul tækni í Þjóðminjasafni Íslands þar sem sjá má myndir sem Hörður Geirsson safnvörður ljósmyndadeildar Minjasafnsins á Akureyri hefur undarfarin tvö ár tileinkað sér.  Hann myndar á votar plötur en sú aðferð var ríkjandi í ljósmyndun frá 1851 og fram yfir 1880. Við viljum hvetja alla áhugasama að bregða sér á Þjóðminjasafnið til að sjá sýningu hans sem stendur til 25. maí.

Við fögnum nýju ári og þökkum öllum gestum okkar og velunnurum fyrir samvinnu og heimsóknir á nýliðnu ári. Þetta var stórt ár í sögu Minjasafnsins sem eins og allir vita fagnaði 50 ára afmæli. Afmælisbarnið sjálft tók svo mjög virkan þátt í afmælishaldi Akureyrarbæjar sem fyllti heil 150 ár. Það var því mikið um dýrðir á árinu og flugeldasýningarnar voru nokkrar. Efst í huga safnsins er þó þakklæti til gesta okkar og íbúar svæðisins eiga sérstakir skyldar fyrir að vera áhugasamir, hjálpfúsir og virkir þátttakendur í viðburðum þeim sem safnið stóð fyrir á afmælisárinu.  

það er opið á safninu 20.des - 23. des kl 14-16 og 27. des -30.des kl 14-16. Það er enginn aðgangseyrir í aðventunni. Kíkið við.

Komdu og slappaðu af í notalegu andrúmslofti á safninu. Sýningar safnsins eru sveipaðar sögu fortíðar í máli, myndum og munum.Nú gefst gestum safnsins einstakt tækifæri til að kaupa innrammaðar svarthvítar myndir og örfáar litmyndir úr sýningunni Manstu - Akureyri í 150 ár , sem sett var upp í tilefni afmælis Akureyrarbæjar. Mynd í ramma kostar 8500 - tilvalin gjöf sem gleður bæði augu og hjarta.

Safnið er opið fimmtudaga til sunnudaga frá kl 14-16. Enn er hægt að gera góð kaup á ljósmyndum úr sýningunni Manstu - Akureyri í myndum. Safnbúðin geymir forvitnilegar vörur sem eru tilvaldar  í jólapakkann fyrir vini og ættingja hérlendis sem erlendis. Hlökkum til að sjá þig.

Ingi Freyr Vilhjálmsson, blaðamaður á DV, skrifaði gagnrýni um bók Gunnars F. Guðmundssonar í DV 12. desember síðastliðinn. Hann segir bókina stórvirki og hann hafi oftar en einu sinni komist við og meira að segja tárast tvisvar við lesturinn. Hér má sjá hluta greinarinnar sem sýnilegur er öllum á DV.

Bók Gunnars F. Guðmundssonar Pater Jón Sveinsson - Nonni var tekin fyrir í Kiljunni í gærkvöldi. Hún fékk góða dóma og ekki að ástæðulausu að hún er tilnefnd til íslensku bókmenntaverðlaunanna í flokki fræðibóka. Frásögn Gunnars var sögð hjartahlý og einlæg vel unnin og fagmennlega. Þetta er saga Nonna í víðu og heimssögulegu samhengi. Hér má sjá þáttinn á vef ríkissjónvarpsins. umfjöllunina um bókina má finna á 38.54 mínútu. þátturinn. Vert er að benda á að myndbrotið sem sýnt er af Nonna í þættinum er eign Nonnahúss og tekið í Valkenburg 1942.