Fréttir

Veturkonungur og öll hans hirð verða boðin velkomin til Akureyrar n.k. laugardag. Boðið verður upp á fjölskylduvænar leiðsagnir um allar sýningar safnsins, vetrarratleik um söfnin og laugardagsnammi eins og það gerðist gott í gamla daga.                                       Farið verður í léttar og skemmtilegar leiðsagnir um sýningarnar Ertu tilbúin, frú forseti? kl. 13; um ævintýraheim kortanna kl. 14 og Akureyri bæinn við Pollinn með augum Vilhelmínu Lever, sem fyrst kvenna kaus í opinberum kosningum. Steinunn Arnbjörg Stefánsdóttir töfrar fram seiðmagnaða vetrartóna með sellói og söng kl. 15. Enginn fer úr safninu án þess að setja upp orðu að eigin vali og gerð enda föndurstöð til staðar. Já og leikhús landkönnuðarins. Sjón er sögu ríkari! Í Nonnahúsi er sýning um Sigríði móður Nonna. Einnig verður hægt að senda ömmu póstkort og ekki væri verra að segja hvað hefur gerst frá því á sumardaginn fyrsta þegar fjölmargir sendu ömmu sumarkveðju. Aðgangur ókeypis Gleðilegan vetur. Hlökkum til að sjá ykkur, Starfsfólk Minjasafnsins á Akureyri  

Láttu þessa frábæru sýningu ekki framhjá þér fara. Munið árskortin.

Spennandi og öðruvísi ljóðadagskrá þar sem persónuleg tengsl skálda og áheyrenda eru í öndvegi. Meðal skálda sem koma fram eru Þórdís Gísladóttir, Kristín Svava Tómasdóttir, Lubbi klettaskáld, Urður Snædal, Birna Pétursdóttur, Stefán Bogi Sveinsson, Sigurður Ingólfsson, Ingunn Snædal, Kristian Guttesen, Vilhjálmur Bergmann Bragason, Hekla Björt Helgadóttir og fleiri þar á meðal Davíð Stefánsson frá Fagraskógi.   Sjá nánar á síðu Litlu ljóðahátíðarinnar  

Nú hver hver að verða síðastur að komast á fimmtudags viðburði í Davíðshúsi. Fimmtudaginn 20. ágúst verður viðfangsefnið Ítalíuför Davíðs og skemmtilegra ferðafélaga eins og Ríkharðs Jónssonar. Ferðalagið fyllti hann af ljóðum sem urðu landskunn og öðrum minna þekktum. Verið hjartanlega velkomin 1200 kr aðgangur að safninu og skemmtidagskrá í kaupbæti.Munið dagsmiða, kr. 2000, á söfnin 5 og árskortið, kr. 3000,  sem gildir frá útgáfudegi.

Hálf ertu heilagur andi, hálf ertu mold- mótsögnin í ljóðum Davíðs Sumardagskráin í Davíðshúsi heldur áfram. Síðast var fullt út út dyrum. Mætið tímanlega því aðgangur er takmarkaður.  Viðburðurinn er innifalinn í 1200 kr aðgangsgjaldi að safnin sem og ársmiða og dagðpassa. 

Undanfarnar vikur hafa þau Sigurbjörg Sæmundsdóttir og Kristian Guttesen dvalið í fræðimannaíbúð í kjallara Davíðshúss. Þar hafa þau nú og áður samið ljóð og sungið og ætla að leyfa gestum Davíðshúss að njóta afrakstursins og flytja ljóð sín í tali og tónum þriðjudaginn 21. júlí kl. 15.Verið velkomin! Aðgangseyrir er kr. 1.200.- (600 fyrir lífeyrisþega og frítt fyrir börn). Hægt er að kaupa árskort á kr. 3000 og fá þannig aðgang að öllum almennum viðburðum í Davíðshúsi og aðgang að hinum Skáldahúsunum, auk Minjasafnsins og Laufáss.

Sumir eiga sorgir og sumir eiga þrá. Ástin og sorgin í ljóðum Davíðs er yfirskrift næstu fimmtudagsstundar í Davíðshúsi. Sumarstundirnar í Davíðshúsi hafa verið vel sóttar og er takmarkaður sætafjöldi. Viðburðurinn er innifalinn í 1200 kr aðgangsgjaldi að safnin sem og ársmiða og dagðpassa.