Fréttir

Hefur þú smakkað reyktan bringukoll, fjallagrasaslátur eða heimagerða kæfu? Ef ekki þá skaltu grípa tækifærið og kíkja í heimsókn í Laufás á laugardaginn!! Það verður margt verður um að vera í Laufási á laugardaginn, 16. október, kl 13:30-16. Dagskrá dagsins hefst með messu í kirkjunni. Að henni lokinni verða haustverkin unnin sem tilheyrðu þessum árstíma í gamla sveitasamfélaginu.

Safnið er opið á morgun, laugardag, kl 14-16.Hlökkum til að sjá ykkur.

Í tilefni af vetrarfríi nemenda og fjölskyldna þeirra um allt land verðum við með opið hjá okkur á Minjasafninu frá föstudeginum 22.okt til og með þriðjudagsins 26.október frá kl 13-16. Við viljum einnig vekja athygli á árlegum viðburði STOÐvina safnins á fyrsta vetrardag, laugardaginn 23. október, kl 14-16. Þann dag er margt forvitnilegt og fróðlegt að gerast á safninu sem er tilvalið fyrir allar fjölskyldur. Við hlökkum til að sjá ykkur! 

Það er opið hjá okkur á laugardögum frá kl 14-16. Ljósmyndasýningin FJÁRSJÓÐUR - tuttugu eyfirskir ljósmyndarar 1858-1965 er í skammtímasalnum. Sýningarnar Akureyri - bærinn við Pollinn og Eyjafjörður frá öndverðu eru grunnsýningar safnsins og þar er margt fróðlegt og forvitnilegt fyrir alla fjölskylduna. Kíktu í heimsókn! Opið á öðrum tímum eftir samkomulagi.

Nú er lokað í Gamla bænum Laufási yfir vetrartímann. Að sjálfsögðu verða fastir viðurðir í bænum eins og venjulega yfir veturinn en þeir verða nánar auglýstir síðar. Þeir sem áhuga hafa að koma með hópa í Laufás er bent að hafa samband við Hólmfríði, staðarhaldara, í síma 895-3172.

Við höfum opið í dag og á morgun frá kl 10-17 en eftir 15. september tekur vetraropnunin við. Þá er opið á laugardögum frá kl 14-16. Hægt er að kíkja við í safnbúðina á skrifstofutíma sem er alla virka daga frá kl 8-16.

hún er opin daglega á opnunartíma safnsins til 15. september kl 10-17.Kíkið í heimsókn!

Í Gamla prestshúsinu næstu helgi (12. og 13. september) verður lummukaffi í  þar sem þetta er síðasta opnunarhelgi sumarsins. Opið er í Gamla bænum sem og í veitingasölunni og safnbúðinni í gamla Presthúsinu frá kl 9-18. Verið hjartanlega velkomin 

Draugalegt var um að listast í Innbænum síðastliðið föstudagskvöld þar sem sögumenn fóru með draugasögur, kveðnar voru rímur við undirleik dimmra tóna vindlurks og verur af ýmsum gerðum fóru á stjá. það var margt um manninn á þessu kyngimagnaða kvöldi! Á safninu urðu gestir varir við draugalegar verur í mörgum skúmaskotum og sýningum þess og óvenjulegir gripir leyndust víða. Við þökkum öllum okkar góðu gestum fyrir komuna og sjálfboðaliðum og velunnurum safnsins fyrir þátttökuna. 

Skerandi óp, dularfullur andardráttur, drungaleg tónlist, draugasögur og verur af öðrum heimi er meðal annars það sem gestir og gangandi munu heyra og sjá í Innbænum, elsta hluta Akureyrar, næstkomandi föstudagskvöld 27. ágúst kl 22:30-23:59. Þetta kyngimagnaða kvöld hefst á Minjasafninu sjálfu þar sem draugalegt verður um að litast frá kl 22:00 – 23:59. Gestir safnsins munu virða fyrir sér sýningar þess með öðrum hætti en áður og dulúð og draugalegheit munu ráða ríkjum.