Fréttir

það verður opið alla páskadagana frá kl 14-17. Laugardaginn 23. apríl kl 14 verður Hörður Geirsson, sérfræðingur ljósmyndadeildar, með leiðsögn um ljósmyndasýninguna: ÞJÓÐIN, LANDIÐ OG LÝÐVELDIÐ - Vigfús Sigurgeirsson, ljósmyndari og kvikmyndagerðarmaður.  Þetta eru síðustu sýningardagarnir. Við hvetjum því alla áhugasama um að nýta tækifærið og kíkja í heimsókn.Sýningin kemur frá Þjóðminjasafni Íslands og samanstendur af ljósmyndum Vigfúsar Sigurgeirssonar ljósmyndara frá árunum 1928-1958.

Á morgun, laugardaginn 16. apríl kl 14-16, er næst síðasta sýningarhelgin á ljósmyndasýningunni Þjóðin, landið og lýðveldið - Vigfús Sigurgeirsson, ljósmyndari og kvikmyndagerðarmaður. Við minnum á að opið er alla páskadagana frá kl 14-17. Hlökkum til að sjá ykkur.

BARNASKEMMTUN Stoðvina safnsins hefur verið færð til 7. maí þar sem skírdag ber uppá sama dag og sumardaginn fyrsta. En örvæntið ekki því á  EYFIRSKA SAFNADAGINN sem verður þann 7. maí er þemað SÖFN fyrir BÖRN og af því tilefni verða StoðVINIR safnsins með dagskrá fyrir börn á öllum aldri í samvinnu við starfsfólk safnsins. Hlökkum til að sjá ykkur þá!! 

Brauð á Norðurlöndum/Bröd i Norden er samnorrænt verkefni á sviði samtímasöfnunnar sem fimm söfn á Íslandi taka þátt í og miðla nú niðurstöðum verkefnisins á vefsíðunni www.brauðbrunnur.wordpress.com   Umfjöllunarefni safnanna á Íslandi eru margbreytileg og er með verkefninu ætlað að sýna fram á menningarlegan og samfélagslegan fjölbreytileika hér á landi þar sem er brauð í forgrunni. Fjallað er um laufabrauð, vestfirskar hveitikökur, brauðmeti innflytjenda, hverarúgbrauð og heimabakað brauð og er umfjöllunin bæði í máli og myndum en hvert safn útbjó stutt myndband um umfjöllunarefni sitt.  

Fimmtudaginn 14. apríl kl. 17:00 verður farandsýningin Ekki snerta jörðina! Leikir 10 ára barna opnuð í Þjóðminjasafni Íslands. Sýningin er afrasktur rannsóknarverkefnis átta íslenskra safna, en starfsmenn þeirra rannsökuðu leiki 10 ára barna víða um land veturinn 2009-2010. Í lok júlí verður sýningin tekin niður og send í hringferð um landið og verður hún sett upp ýmist í söfnum eða skólum. Sýningin verður sett upp hér á safninu vorið 2012. Samhliða sýningunni verður opnuð heimasíða, þar sem hægt verður að fræðast um verkefnið og fylgjast með ferðum sýningarinnar: www.thjodminjasafn.is/ekki-snerta-jordina

Á morgun, laugardag, er opið á safninu kl 14-16. Við hvetjum fólk til að sjá ljósmyndasýninguna Þjóðin, landið og lýðveldið - Vigfús Sigurgeirsson, ljósmyndari og kvikmyndagerðamaður. Sýningin kemur frá Þjóðminjasafninu og stendur til 26. apríl. Ekki er úr vegi að minna á safnbúðina þar sem finna má þjóðlegan fróðleik, íslenska hönnun og þjóðlegt handverk sem tilvalið er til tækifærisgjafa. 

Fræðsludagur safnaklasa Eyjafjarðar í samvinnu við safnaklasann í Þingeyjarsýslu var í gær fimmtudag. Fróðleg og forvitnileg erindi voru haldin auk þess sem safnafólk kíkti á ársgamla grunnsýningu Safnahússins, fór í heimsókn í Hvalasafnið og Reðasafnið á Húsavík. Þetta var góð ferð í alla staði. Með þessu er safnafólk á Norðausturlandi að efla tengslanet sitt og læra hvert að öðru.   

Þýski sendiherrann á Íslandi, Hermann Sausen og kona hans, komu í heimsókn í Nonnahús í gær. Haraldur Þór, safnstjóri, leiddi þau um húsið og sagði frá Nonna. þau voru mjög áhugasöm um Nonna og ævi hans og þá sérstaklega tengingu hans við Þýskaland.   

Það er opið á laugardaginn kl 14-16 - tilvalið að kíkja á sýningar safnins um helgina. Minnum sérstaklega á ljósmyndasýninguna Þjóðin, landið og lýðveldið - Vigfús Sigurgeirsson, ljósmyndari og kvikmyndagerðarmaður. Hlökkum til að sjá þig!

Opið verður á safninu í páskafríinu 21. - 25. apríl kl 14-17. Sérstök athygli er vakin á því að sökum þess að skírdag og sumardaginn fyrsta ber upp á sama dag, hefur fjölskylduhátíð STOÐvina Minjasafnins á sumardaginn fyrsta verið færð á Eyfirska safnadaginn 7. maí. Þá verður boðið upp á barnaleiki og skemmtun fyrir alla fjölskylduna. Laugardaginn 23. apríl kl 14 leiðir Hörður Geirsson, sérfræðingur ljósmyndadeildar, gesti um sýninguna Þjóðin, landið og lýðveldið. Síðasti sýningardagur ljósmyndasýningarinnar er annar í páskum.